ကြက်ဆင်ကင်းတဲ့ ကျေးဇူးတော်နေ့

ကြက်ဆင်ကင်းတဲ့ ကျေးဇူးတော်နေ့

အရှင်ဥာဏိကာဘိဝံသ

(ကာလီဖုိုးနီးယားတက္ကသုိုလ်)

 ဒီနေ့က အမေရိကန်နုိုင်ငံရဲ့ ကျေးဇူးတော်များ အခါတော်နေ့ပေါ့။ နှစ်စဉ် နုိုဝင်ဘာလရဲ့ စတုတ္ထပတ် ကြာသပတေးနေ့မှာ ကျေးဇူးတော်များအခါတော်နေ့ကုို ကျင်းပလေ့ရှိပါတယ်။ ဒီကျေးဇူးတော်များ အခါတော်နေ့ဟာ အစောပိုင်းမှာ ဘာသာရေးပွဲတော်က စခဲ့တယ်လုို့ အဆုိုရှိပါတယ်။ ကမ္ဘာသစ်လုို့ ခေါ်ကြတဲ့ အမေရိကတုိုက်ကုို ဥရောပကနေ ပြောင်းရွှေ့အခြေချလာသူတွေနဲ့အတူပါလာတဲ့ ယဉ်ကျေး မှုလုို့ ယူဆသူတွေလည်း ရှိပါတယ်။ ဒီကျေးဇူးတော်များအခါတော်နေ့နဲ့ပတ်သက်ပြီး တိတိကျကျပြောဖုို့ ကတော့ ခက်ခဲပါတယ်။ (ကျောင်းတက်နေစဉ်က ကုိုယ့်ဆီမှာမရှိတဲ့ အမေရိကန်နုိုင်ငံရဲ့ ပွဲတော်တစ်ခု အကြောင်းကုို စာတမ်းတစ်ခုရေးရမယ်ဆုိုလုို့ ဒီနေ့အကြောင်း လေ့လာကာ စာတမ်းတစ်စောင်ရေးဖြစ်ခဲ့ တယ်)။

ခုနောက်ပုိုင်းမှာတော့ ဘာသာရေးပွဲတော်တစ်ခုထက် ရုိုးရာယဉ်ကျေးမှုပွဲတော်တစ်ခုအသွင်ကုို ပုို ဆောင်လာပါတယ်။ အများစုလက်ခံထားကြတာကတော့ ၁၆၂၀ ခုနှစ် စွန်းစက မေဖလားဝါးသင်္ဘောနဲ့ ပါလာတဲ့ခရီးသည်များရဲ့ ဘ၀အတွေ့အကြုံကြမ်းများဟာ ဒီအခါတော်နေ့ဖြစ်ပေါ်လာခြင်းရဲ့ အဦးအစလုို့ ဆုိုလေရဲ့။ စက်တင်ဘာလမှာ အင်္ဂလန်ရဲ့ပလုိုင်းမောင့်ကနေ မေဖလားဝါးသင်္ဘောငယ်နဲ့ ကမ္ဘာသစ်ဆီ ကုို လူတစ်ရာကျော် ထွက်ခွါခဲ့ကြတယ်။ အင်္ဂလန်ရှိ အခွင့်ထူးခံ အုပ်ချုပ်သူ လူတန်းစားတစ်စုနဲ့ သူတုို့နဲ့ ပနံသင့်တဲ့ ဘာသာရေးခေါင်းဆောင်များရဲ့ စက်ကွင်းကနေလွတ်ကင်းဖုို့ဆိုတဲ့ ရည်ရွယ်ချက်နဲ့ပေါ့။ အင်္ဂလိကန်ဂိုဏ်းရဲ့ စုိုးမုိုးမှုကုို မလုိုလားတဲ့ ပျူရိတန်နဲ့ ပရုိုိတက်စတင့်အများစု ပါဝင်တယ်လုို့ဆုိုပါတယ်။

ကမ္ဘာသစ်မှာ ကုိုယ်ယုံကြည်ရာကုိုးကွယ်ကြမယ်၊ ကုိုယ့်လွတ်လပ်မှုကုို ကုိုယ်ပုိုင်တည်ဆောက်မယ်ဆုို တဲ့ ဆန္ဒက မတူညီတဲ့ သူတုို့အားလုံးရဲ့ရင်မှာ တူညီတဲ့ ကုိုယ်စီအတွေးများနဲ့။ အတ္တလန်တိတ်ရဲ့ သမုဒ္ဒ ရာကြမ်းကြမ်းမှာ ခြောက်ဆယ့်ခြောက်ရက်ကြာမျှ လှိုင်းဒဏ်လေဒဏ် လူးလှိမ့်ခံရင်း သူတုို့မျှော်လင့်တဲ့ ကမ္ဘာသစ်မြေကုို ခြေချနုိုင်ခဲ့ကြတယ်။ သုို့ပေမယ့် သူတုို့တွေခြေချမိတဲ့မြေဟာ သူတုို့တွေမျှော်လင့်ထား ခဲ့တဲ့ ဟာဆန်မြစ်ဝတော့ မဟုတ်ဘူးပေါ့။ သူတုို့မျှော်လင့်ထားတဲ့အရပ်ရဲ့ မြောက်ဖက်ပုိုင်း ပုိုကျတဲ့ ကိတ်ကုဒ်ဆုိုတဲ့အရပ်ဆီ။  

တစ်လတာမျှ မက်ဆာချူးဆက်ပင်လယ်ကွေ့ကုို ဖြတ်ကျော်ကြီး ၁၉၆၁ ခုနှစ်မှာ ကမ္ဘာသစ်မြေမှာ ပလုိုင်းမောင့်ဆုိုတဲ့ မြို့သစ်တစ်ခုကုို တည်ဆောက်ခဲ့ကြတယ်။ ဒီပလုိုင်းမောင့်မြိုံက အမေရိကန်သမုိုင်းရဲ့ အထင်ကရမြို့တစ်မြို့ပေါ့။ ဒါကြောင့် သမုိုင်းဆရာအချို့ကတော့ ဒီမြို့လေးကုို America’s Hometown အမေရိကရဲ့ အစတည်ရာ မိခင်အိမ်လုို့တောင် ညွှန်းဆုိုတတ်ကြတယ်။ ခုနေခါမှာ ဒီဒေသဟာ ကမ္ဘာ ကျော် ဟားဗတ်နဲ့ အင်မင်အုိုင်တီတုို့လုို့ တက္ကသိုလ်ကြီးများတည်ရှိရာ မက်ဆာချူးဆက်ပြည်နယ် ဘော်စတွန်မြို့ရဲ့ တောင်ဖက် မုိုင်လေးဆယ်ခန့်မှာပေါ့။

ဆောင်းကြမ်းကြမ်းတစ်ခုကုိုဖြတ်ကျော်ရင်း နေရာသစ်နဲ့အတူ တွေ့ကြုံရတဲ့ ငတ်မွတ်မှုဒဏ်နဲ့ ရောဂါ ဆုိုးများဒဏ်ကြောင့် ဘ၀သစ်ရှာ မေဖလားဝါးပေါ်ပါလာတဲ့ လူတစ်ရာကျော်ထဲက တစ်ဝက်ခန့်မျှသာ ရှင်သန်ခဲ့တယ်တဲ့။ ကျန်နေသူတွေကုို ဒေသခံအင်ဒီယန်းများက စားဖွယ်များပေးပါသတဲ့။ ဆောင်း အလွန်မှာတော့ ဒေသခံအင်ဒီယန်းများက နယ်မြေသစ်မှာ အခြေချလာသူတွေကုို စုိုက်ပျိုးနည်းများ ပြသပေးလုို့ ကောက်ပဲသီးနှံတွေဖြစ်ထွန်းအောင်မြင်တာကြောင့် ကောက်ရိတ်သိမ်းပွဲနဲ့အတူ အင်ဒီ ယန်းမိတ်ဆွေများကုို ဖိတ်မံဧည့်ခံကျေးဇူးတုံ့ပြန်ပွဲများပြုလုပ်ပါသတဲ့။  ဒီကစလုို့ ကျေးဇူးတော်များအခါ တော်နေ့ဆုိုပြီး ဖြစ်ပေါ်လာပါသတဲ့။ ပလုိုင်းမောင့်မြို့လေးဟာ အမေရိကမှာ ပထမဦးဆုံး ကျေးဇူးတော် များအခါတော်နေ့ကျင်းပရာမြို့ရယ်လုို့ လက်ခံထားကြပါတယ်။

ကုိုယ့်နုိုင်ငံသမုိုင်းရဲ့ ပုဂံရာဇ၀င်အကြောင်းပြောရင် ဒုတ်ထမ်းဓားထမ်းပြောရတယ်လုို့ အဆုိုရှိခဲ့တယ်။ တိတိကျကျပြောဖုို့ခက်လုို့ ငြင်းခုံမှုပြုရတာကြောင့် ဒီစကားပေါ်လာတာဖြစ်မယ်လုို့ ခန့်မှန်းမိပါတယ်။ ပုဂံရာဇ၀င်က ဟုိုးဟုိုး လွန်လေပြီးသောအချိန်အခါက အကြောင်းလေ။ ပြီးတော့ မှတ်တမ်းမှတ်ရာ အားနည်းတဲ့ ကုိုယ့်မြန်မာလူမျိုးတွေရဲ့ ဓလေ့အကြားမှာ ပုဂံရာဇ၀င်ဆိုတာလည်း ပါးစပ်ရာဇ၀င်များ ထုံးစံအတုိုင်း အမှန်အမှား ဒဏ္ဍာရီတွေနဲ့ လုံးလားထွေးလား။

မှတ်တမ်းမှတ်ရာကောင်းလှပါတဲ့ဆုိုတဲ့ ကော့ကေးရှပ်ခေါ် သူတုို့အဖြူတွေကြားမှာကုိုပဲ ဒီကျေးဇူး တော်များအခါတော်နေ့နဲ့ပတ်သက်တဲ့ မှတ်တမ်းများက အမျိုးမျိုးအဖုံဖုံ၊ ကုိုယ်ယုံကြည်ရာ၊ ကုိုယ် အားသန်ရာ၊ ပြောထားကြတာ။ ဘာတွေဘယ်လုိုပဲကွဲကွဲ။ အားလုံးတူညီကြတာကတော့ Thanksgiving Day ဆုိုတာ ကျေးဇူးရှိသူကုို တုံ့တင်ကျေးဇူးပေးဆပ်ခြင်းနေ့ဆုိုတဲ့ ကောင်းတဲ့အစဉ် အလာမှာတော့ တသဘောတည်းတူညီခြင်းပါ။

ခုနောက်ပုိုင်းမှာတော့ အမေရိကတုိုက်၊ တိတိကျကျပြောရရင်တော့ အမေရိကန်နုိုင်ငံရဲ့ အထင်ကရ အားလပ်ရက်ဖြစ်နေပါပြီ။ ဒီနေ့မှာ ကျောင်းများပိတ်၊ ရုံးများပိတ်၊ အလုပ်ရုံများလည်းပိတ်လုို့ အိမ်မှာ မိသားစုနဲ့ ပျော်ရွှင်စွာချက်ပြုတ်စားသောက်ကြတဲ့ နေ့တစ်နေ့ပေါ့။ မိသားစုတွေ ပြန်လည်ဆုံတွေ့ဖြစ် တဲ့နေ့တစ်နေ့ပေါ့။

သူတုို့ယဉ်ကျေးမှုဖြစ်တဲ့ ကြက်ဆင်သားကုို ဖုတ်ပြုတ်ကြော်လှော်ကင်၊ သူတုို့ရဲ့ဘောလုံးပွဲများကြည့်၊ နောက်ရက်မှာ အထူးလျော့ဈေးနဲ့ ရောင်းချမယ့်  Black Friday ဈေးဝယ်ထွက်ဖုို့အတွက် ဆွေးနွေး တုိုင်ပင်ကြပေါ့။ ဒီနှစ်မှာတော့ ဘလက်ဖရုိုက်ဒေး လျှော့ဈေး ဈေးရောင်းပွဲများက ကြာသပတေးညဦး ပုိုင်းကစလုို့ စည်စည်ကားကား၊ တုိုးတုိုးကြိတ်ကြိတ်။

မနေ့ကပဲ ကျောင်းဘေးကတုိုက်တန်းလျားမှာနေထုိုင်တဲ့ အဖြူအသိတစ်ယောက်က မနက်ဖန် ကျောင်းမှာ  ကျေးဇူးတော်များအခါတော်နေ့ပွဲတော်ရှိသလားလုို့ မေးပါတယ်။ ကျောင်းမှာတော့ မရှိ ပါဘူး။ ဒါပေမယ့် အိမ်တစ်အိမ်ကုိုတော့ သွားဖုို့ရှိတယ်။ အဲဒါလည်း မင်းတုို့လုို ကျေးဇူးတော်များ အခါတော်နေ့လုိုပါပဲ။ ကျေးဇူးတုန့်ပြန်တဲ့ပွဲတစ်ပွဲပါပဲ။ ဒါပေမယ့် မင်းတုို့ရဲ့ကျေးဇူးတော်အခါတော် နေ့နဲ့တော့ မတူတတ်ဘူးပေါ့လုို့လည်း ပြောဖြစ်လုိုက်ပါတယ်။ သူ့ကုိုအဲဒီအကြောင်းပြောရင်းပဲ မနက်ဖန်အိမ်ကုိုရောက်ရင် မြန်မာ့နည်းမြန်မာ့ဟန် ကျေးဇူးတော်များ အခါတော်နေ့အကြောင်းကုို ပြောမယ်လုို့လည်း စိတ်ကူးမိလုိုက်တယ်။

ဒီနေ့ အိမ်တစ်အိမ်ကုို ကြွဖြစ်ခဲ့တဲ့အကြောင်းကတော့ လွန်ခဲ့တဲ့တစ်လကျော်ကျော်က ဘ၀တစ်ပါး ပြောင်းသွားတဲ့ ဖခင်ကြီးကုို အကြောင်းပြုပြီး မိခင်ကြီးအမှူးရှိတဲ့ သားသမီးမြေးတွေက စုပေါင်းကာ ကောင်းမှုကုသုိုလ်ပြုလုပ်ကြတဲ့ပွဲအတွက်ပါ။ သူတုို့ကုို အမေရိကန်ရဲ့ ကျေးဇူးတော်အခါတော်နေ့ အကြောင်း အနည်းအကျဉ်းပြောပြပြီး ခုဒီမှာလည်း ကုိုယ့်နည်းကုိုယ့်ဟန်ကျေးဇူးတော်များအခါတော် နေ့ကုို ကျင်းပကြတယ်လုို့ ပြောနုိုင်ကြောင်း ပြောဖြစ်တယ်။ ကုိုယ့်အပေါ်မှာ ကျေးဇူးကြီးမားတဲ့ဖခင် ကြီးရဲ့ ကျေးဇူးဂုဏ်ကုို အောင့်မေ့ပြီး သူ့အတွက်ရည်စူးကာ ကုသုိုလ်ပြုလုပ်ခြင်းဟာ ကျေးဇူးတရားကုို အသိအမှတ်ပြုခြင်း၊ ပြန်လည်ပေးဆပ်ခြင်းဖြစ်တယ်။

ကျေးဇူးရှိတဲ့ပုဂ္ဂိုလ်အပေါ်မှာ ကျေးဇူးကြွေးကုို ပြန်လည်ပေးဆပ်ခြင်းဟာ ကောင်းမွန်တဲ့အလုပ်၊ ပညာရှိ သူတော်ကောင်းတွေ ချီးမွန်းတဲ့အလုပ်၊ တစ်နည်းပြောရလျင်ဖြင့် လူလိမ္မာ လူယဉ်ကျေး တုို့ရဲ့အလုပ် ဖြစ်ကြောင်း၊ လူပီသသူတုို့ ပြုလုပ်သင့်တဲ့အလုပ်ဖြစ်ကြောင်းလည်း ပြောဖြစ်တယ်။ နောက်ပြီးကျေးဇူး ရှိသူအပေါ် ကျေးဇူးတုံ့ပြန်ဆပ်ခြင်းဆုိုတာ ဘာသာလူမျိုး မကွဲပြားပဲ အားလုံးအတူတူ အလေးထားတဲ့ ကောင်းမွန်တဲ့အရာဆုိုတာကုို ဒီနေ့လုို ကျေးဇူးတော်များ အခါတော်နေ့က သက်သေပြုနေပါတယ်။

နောက်ပြီး သူတော်ကောင်းတစ်ယောက် လူလိမ္မာလူယဉ်ကျေးတစ်ယောက်မှာ ရှိရမည့်လက္ခဏာကုို ညွှန်ပြထားတဲ့-

ယော ဝေ ကတညူ ကတဝေဒီ ဓီရော၊ ကလျာဏမိတ္တော ဒဠှဘတ္တိ ဟောတိ။ ဒုက္ခိတဿ သက္ကစ္စ ကရောတိ ကိစ္စံ၊ တထာဝိဓံ သပ္ဗုရိသံ ၀ဒါမိ။

- ဆုိုတဲ့ အဆုံးအမစကားလေးရဲ့ ဆုိုလုိုချက်ကုိုလည်း အနည်းငယ် ရှင်းလင်းပြောဖြစ်ခဲ့တယ်။

ဒါကတော့ ဘာသာရေးသံနဲ့ပြောရရင် သူတော်ကောင်း၊ အများသုံးအရ ပြောရရင် လူကြီးလူကောင်း ပီသတဲ့ လူလိမ္မာလူယဉ်ကျေးတစ်ယောက်မှာ ရှိသင့်တဲ့အချက်တွေပါ။

ဘာတွေလဲဆုိုတော့-ကျေးဇူးတရား သိတတ်ရမယ်။ သိတဲ့အတုိုင်း သူ့ကျေးဇူးကုို ပြန်လည်တုံ့လှည့် ဆပ်တတ်ရမယ်။ အပေါင်းအသင်းမိတ်ဆွေကောင်းရှိရမယ်။ ရှိထားတဲ့မိတ်ဆွေကောင်းနဲ့လည်း ကြာရှည်လက်တွဲနုိုင်အောင် ကုိုယ့်ဖက်ကလည်း သူ့အတွက်မိတ်ဆွေကောင်းဖြစ်စေရမယ်။ နောက် ဆုံးအချက်ကတော့ ကုိုယ့်လောက်မှ အသိပညာမရှိတဲ့၊ ခွန်အားမရှိတဲ့သူတွေအပေါ်မှာ ညှာတာ ထောက်ထားရမယ်၊ ဖေးမကူညီရမယ်-ဆုိုတာတွေပါပဲ။ (ဒီအကြောင်းကုို တစ်ခုချင်းစီမှာ နည်းနည်းစီ အကျယ်ချဲ့ပြီး ပြောဖြစ်ခဲ့တယ်)

ဒီနေ့က ကျေးဇူးတော်များအခါတော်နေ့။ ဒီကျေးဇူးတော်များအခါတော်နေ့မှာ သူတုို့က သူတုို့ယဉ်ကျေး မှုနဲ့ ကျေးဇူးရှိသူကုို ကျေးဇူးတုံ့ပြန်ကြသလုို ခုဒီမှာလည်း မိမိတုို့အပေါ် တုနှိုင်းမမီနုိုင်လောက်အောင် ကျေးဇူးကြီးမားတဲ့ အနန္တဂုိုဏ်းဝင် ဖခင်ကြီးကုိုအကြောင်းပြုလုို့ ကောင်းမှုကုသုိုလ်တွေ ပြုလုပ်ကြတယ်။ ခုလုိုပြုလုပ်သဖြင့် ရရှိလာတဲ့ကုသုို်လ်အဖုို့ဘာဂကုို ဖခင်ကြီးနှင့်တကွ မိမိတုို့ကုသုိုလ်ကုို မျှော်လင့် ကောင်းမျှော်လင့်နေကြမယ့် ဘ၀အဆက်ဆက်မှာ တော်စပ်ခဲ့ဖူးတဲ့ မိဟောင်းဖဟောင်း ဆွေဟောင်း မျိုးဟောင်းအပါအ၀င် သုံးဆယ့်တစ်ဘုံအတွင်း မှီတင်းနေထုိုင်ကြတဲ့သူတွေအားလုံးကုို အမျှပေးဝေကြ မယ်။

ကုိုယ့်ဘာသာဓလေ့ထုံးတမ်းစဉ်လာနဲ့အညီ ကျင်းပလုိုက်တဲ့ ကျေးဇူးတော်များအခါတော်နေ့ပွဲပါပဲ။ ဒါဟာ သူတုို့တွေလုို ကြက်ဆင်သားတွေ ဘာတွေမပါပေမယ့် အသိဥာဏ်ရင့်ကျက်စွာ ဆင်ခြင်မှု အပြည့်နဲ့ ကျင်းပခဲ့တဲ့ ကျေးဇူးတော်များအခါတော်နေ့ပွဲဖြစ်တယ်လုို့တော့ ဆုိုနုိုင်ပါတယ်။ ။