Wednesday, September 11, 2013

ခေါင်းနဲ့ပန်းနဲ့ စိမ်းလန်းတဲ့မြေ


ခေါင်းနဲ့ပန်းနဲ့ စိမ်းလန်းတဲ့မြေ



Somewhere greener, somewhere warmer.
Up in the mountains, down by the ocean.
Where? It don't matter, as long as we're goin'
Somewhere together. I've got a quarter.
Heads, Carolina Tails, California.


ကာရုိုလုိုင်းနားဖက်ကုို ခရီးတုိုတစ်ခုထွက်မယ်လုို့ စိတ်ကူးဖြစ်မိကတည်းက ကာရုိုလုိုင်းနားနဲ့ ပတ်သက် တဲ့အကြောင်းဆုို စိတ်ကအလုိုလုို  သတိပြုမိသလုိုဖြစ်နေမိခဲ့တယ်။ ကာရုိုလုိုင်းနားဖက်မှာ ဘာတွေထူး ထူးခြားခြားရှိနေမလဲ။ ခုချိန်မှာရာသီဥတုက ကုိုယ်နေထုိုင်ရာ မြောက်ပုိုင်းကာလီဖုိုးနီးယားမှာလုို အေး နေလေဦးမလား။ ဒါမှမဟုတ် နွေဦးရာသီရောက်နေပြီမုို့ တော်တော်ရော ပူနေလောက်ပြီလေလား။ ဒီ အချိန်မှာဆုိုလျင်တော့ အမေရိကန်အရှေ့ဖက်ခြမ်း ပြည်နယ်အများစုလုိုမှာပဲ တောတွေတောင်တွေ မြက်ခင်းစိမ်းစိမ်းတွေနဲ့ ကြည့်လေမြင်ရာ အရပ်မျက်နှာတုိုင်းဆီမှာ မြစိမ်းရောက်ကမ္ဗလာ လွှမ်းခြုံထား သလုို ဖြစ်နေလေမလားလုို့လည်း ကြိုတင်တွေးမိခဲ့သေးတယ်။ 

နွေဦးရာသီရောက်ပြီဆုိုတော့ ကာလီဖုိုးနီးယားမှာရှိတဲ့ တောတွေတောင်တွေ တော်တော်များများ ခြောက်သွေ့ဖုို့ စတင်လုို့ တာစူနေပြီလေ။ မုိုးနဲ့ဆောင်းမှာ စိမ်းလန်းစုိုပြေခဲ့တဲ့ တောင်တန်းကြီးတွေ၊ မြက်ခင်းရုိုင်းကွင်းပြင်တွေကလည်း အဝါရောင်သန်းစပြုနေလေပြီပေါ့။ ပန်းခြံတွေ၊ အိမ်ရှေ့မြက်ခင်း ပြင်တွေလောက်မှာသာ မြက်ခင်းတွေစိမ်းလန်း၊ ပန်းပေါင်းစုံတွေလည်းဝေနေပေမယ့် တောရုိုင်းလွင်ပြင် တောင်စဉ်တောင်တန်းများကတော့ ရွှေဝါရောင်လွှမ်းလုို့ နွေသရုပ်ကုို ဖော်ထုတ်ကာ ပြနေလေပြီ။

မေလ ၃၀ ရက် နံနက်ခင်း ၆ နာရီ ၂၀ မှာ ကာလီဖုိုးနီးယားမြောက်ပုိုင်း ဥက္ကလံလေဆိက်ကနေ လေ ယာဉ်စထွက်ခဲ့တယ်။ လေထုနဲ့လေတုိုက်နှုန်း အခြေအနေကြောင့် ဖြစ်မည်ထင့်။ တောတွေတောင်တွေ ပေါ်ကုို ဖြတ်သန်းကာ ပျံသန်းလာတဲ့လေယာဉ်က မငြိမ်မသက်၊ လှုပ်လှုပ်ခါခါ။ ခါးပတ်တွေပတ်ထားဖုို့။ ကုိုယ့်နေရာမှာသာ ထုိုင်နေကြဖုို့ မကြာခဏသတိပေးသံကုို ကြားနေရတယ်။ အောက်ကမြင်ကွင်းများ ကတော့ ဖြူချီတစ်ခါ၊ မဲချီတစ်လှည့်၊ ၀ါခဲ့တစ်ဖုံ။ အရောင်အသွေး စုံစုံလင်လင်။


ကောလုိုရာဒုိုပြည်နယ်ထဲက ဒင်ဘာမှာ လေယာဉ်ပြောင်းရမှာမုို့ လေယာဉ်က ဒင်ဘာကုို ဆင်းဖုို့နီနေပြီ။ ဒင်ဘာအနီးမှာဆုိုတော့ ရော့ကီတောင်တန်းပေါ်က ဆောင်းကြွင်းကျန် စနုိုးတွေဖြစ်မယ်လုို့ထင်မိပါ တယ်။ နှင်းတောင်တွေအပေါ် နေရောင်ခတော့ မြင်ရတဲ့မြင်ကွင်းက ငွေတောင်တွေအလား အလွှာလွှာ အထပ်ထပ်။ တောင်ကြားမှာ တည်ရှိနေတဲ့ရေကန်ရဲ့ ရေမျက်နှာကလည်း ပြာလဲ့လဲ့။ ကောင်းကင်ကျယ် ကျယ် တောင်စွယ်အထပ်ထပ် တိမ်လွှာတွေရစ်ပတ်နေတဲ့ မြင်ကွင်းက တွေးချင့်လွမ်းမောဖွယ်ရာ အပြည့်။ ကုိုယ့်နေရာ ကျဉ်းမြောင်းမြောင်းလေးထဲမှာသာ တစ်နေ့လာ ဒါ၊ နောက်တစ်နေ့လာလည်း ဒါ၊ ဒါ ဒါ ချည်းသာတွေ့တွေ့နေရသမုို့ ညည်းငွေ့နေတဲ့စိတ်က တိမ်လွှာကြားမှာ ပျံသန်းပြေးလွှားခွင့်ရတော့ အတန်ငယ် လွတ်လပ်ပေါ့ပါးလာလေဟန်။

လေယာဉ်ပြတင်းဝကနေ အပြင်ဖက်ကုိုကြည့်လုိုက်လျင်ဖြင့် တိမ်တောင်တိမ်လွှာ အထပ်ထပ်ကုို ရင် သပ်ရှုမော မြင်နေရတယ်။ တောင်စွန်ထိပ်ဖျား ရပ်နားနေတဲ့တိမ်တွေ၊ လေနှင်ရာ မျောလွင့် မောချင့် ဖွယ်ရာ တိမ်တွေ၊ အရှိန်အဟုန်နဲ့ ပြေးလွှား၊ လေယာဉ်နဲ့အတူ စိမ်ပြေးတမ်း ကစားနေတဲ့ တိမ်တွေ၊ ဆန့်ကျင်ရာအရပ်ဆီ တူရူပြေးသွား၊ စိမ်းကားစွာချန်ထားခဲ့တဲ့တိမ်တွေ၊ လေယာဉ်ခရီးသွားလုို့ တိမ် လွှာတွေကုိုမြင်မိတုိုင်း ရှင်ဥတ္တမကျော်တောလားရတုထဲက   “တိမ်ညိုမိလ္လာ၊ တိမ်စူကာနှင့်၊ တိမ်
ပြာရောရှက်၊ မရန်းဘက်၍၊ တိမ်သက်တန့်ရောင်၊ အ၀ါပေါင်ဝယ်၊ မှောင်ခဲ့တခါ၊ ပြာခဲ့တချို့၊ ညိုခဲ့တလီ၊ ရီခဲ့တဖုံ၊ မှုံခဲ့တချက်၊ ယုဂန်ထက်က၊ လေးဘက်လုံးခြုံ၊ တိမ်ဂဠုန်လည်း၊ နဂါးရုံကြွေ့၊ ရန်ချင်းတွေ့သော်၊ ခိုးငွေ့လွှတ်ပြိုင်၊ ဂုဏ်ချင်းဆိုင်ခဲ့” ဆုိုတဲ့စာသားလေးကုို သတိရနေမိတတ်တယ်။

တခါခါမှတော့ တိမ်တောင်တိမ်လိပ်၊ တိမ်ရိပ်ရပ်ဝန်း၊ တိမ်ကျွန်းဗိမာန်၊ တိမ်ပျံထိပ်ဖျား၊ တိမ်လွှာကြား ၀ယ်၊ ပြေးလွှားဖွဲ့ရစ်၊ စိတ်အသစ်တွေ၊ တရိပ်ရိပ်ဖြစ်၊ အတိတ်အနာဂတ်၊ ဆက်စပ်တွေးတော၊ မျော လွင့်ဝေသီ၊ တိမ်ခြည်အလား၊ ဝေ၀ါးလွင့်ပျောက်၊ ဟုိုရောက်ဒီရောက် အတွေးက အဆွေးလေလား၊ အငေးလေလား၊ ဝေဝေ၀ါးဝါး၊ ခွဲခြားမရ ပေါ်လာတတ်ပြန်တယ်။

ဒင်ဘာလေဆိပ်မှာ ၂ နာရီခွဲခန့်နားပြီး ၁၂ နာရီကျော်ကျော်မှာ မြောက်ကာရုိုလုိုင်းနားပြည်နယ်ထဲရှိ ရာလေး၊ ဒူဟမ်မြို့ဆီ ခရီးဆက်ခဲ့တယ်။ ဒီခရီးစဉ်မှာတော့ အလယ်ခုံတန်းမှာ နေရာရခဲ့လုို့ အပြင်ဖက် ဆီငေးကြည့်လုို့ အဆင်မပြေတာကြောင့် စာရေးစာဖတ်၊ ညောင်းတဲ့အခါနားနဲ့ ခရီးဆက်ခဲ့တယ်။

ရာလေလေဆိပ်ကုို လေယာဉ်ဆုိုက်တော့ လေဆိပ်ကမြော်လင့်ထားတာထက် ခမ်းနားထယ်ဝါနေတာ တွေ့ရတယ်။ အမေရိကန်မှာ နှစ်ပေါင်းအတော်ကြာကြာနေခဲ့၊ အမေရိကန်သမုိုင်းကုိုလည်း အတန် အသင့် လေ့လာထားခဲ့ပေမယ့် ရာလေးဆုိုတဲ့မြို့ဆုိုတဲ့အမည်ကုို မကြားမိဖူးခဲ့။ ဒီဒေသမှာ ခုလောက်ကြီး မားတဲ့ အပြည်ပြည်ဆုိုင်ရာလေဆိပ်တစ်ခုရှိနေမယ်လုို့လည်း မြော်လင့်မထားခဲ့။  ဒီနေရာ ဒီဒေသ ဒီ ပတ်ဝန်းကျင်မှာ ဒီအချိန် ဒီအခါ ဒီရာသီမှာ ဒီလောက်အထိ စိမ်းလမ်းစုိုပြေနေလိမ့်မယ်လုို့ မြော်လင့် မထားတော့ မြင်ရတဲ့မြင်ကွင်းက အံ့သြရှုမောဖြစ်စေခဲ့တယ်။

လေဆိပ်ကုို ရာလေးမြို့ ရွှေသြဇာကျောင်းဆရာတော် အရှင်ဝိဇယနဲ့ တပည့်ဒကာများ လာရောက် ကြိုဆုိုကြပါတယ်။ ခရီးစဉ်မှာ အတူသွားကြမည့် အော်ရီဂင်ပြည်နယ် ပေါ့တလန်မြို့ သီရိမင်္ဂလာ ကျောင်းဆရာတော်က လေဆိပ်မှာ ကြိုရောက်နှင့်တယ်။ ကာလီဖုိုးနီးယားပြည်နယ် ဆန်ဟုိုးဆေးမြို့ ကနေ ကြွလာမည့် ရွှေစင်တိပိဋကဆရာတော် ဦးဂန္ဓမာလင်္ကာရကတော့ ရောက်မလာသေး။ တိပိဋ ကဆရာတော်ရဲ့ တပည့်ဖြစ်တဲ့ ဦးအဂ္ဂ၀ံသကတော့ ကုိုယ်နဲ့အတူပါလာခဲ့တယ်။

မြောက်ကာရုိုလုိုင်းနားပြည်နယ် ဟုိုက်ပွိုင့်မြို့က ဓမ္မဗိမာန်ဆရာတော် ဦးနန္ဒ၀ံသက ဒီခရီးကုိုဦးဆောင် မှာမုို့ ဒီည ဓမ္မဗိမာန်မှာ ကျိန်းစက်ကြမယ်။ ဒီကမှတဆင့် အမေရိကန်အရှေ့တောင်ပုိုင်းရှိ ပြည်နယ်များ ဆီ ခရီးချီကြမယ်ပေါ့။ ခုတော့ တစ်ခါမှ မရောက်ဖူးသေးတဲ့ ကာရုိုလုိုင်းနားပြည်နယ်ကုိုရောက်ခဲ့လေပြီ ပေါ့။

ရာလီလေဆိပ်က တည်းခုိုမည့် ဟုိုက်ပွိုင့်မြို့ရှိ ဓမ္မဗိမာန်ကျောင်းနဲ့က အနီးဆုံးလေဆိပ်ပေါ့။ လေဆိပ် ကနေ တစ်နာရီခွဲခန့်ကားမောင်းရတဲ့အဝေးမှာတဲ့။ မိနစ်သုံးဆယ်လောက်အကြာမှာတော့ တိပိဋက ဆရာတော်ရဲ့ လေယာဉ်ဆုိုက်လာတယ်။ အားလုံးစုံပြီမုို့ ရွှေသြဇာဆရာတော်ရဲ့ ဦးဆောင်မှုနဲ့ မကြာမီ ကမှ ပြောင်းရွှေ့ထားတဲ့ ရွှေသြဇာကျောင်းနေရာသစ်ဆီ ခဏဝင်ရောက်ခဲ့ကြတယ်။ ရွှေသြဇာကမှ တဆင့် ဓမ္မဗိမာန်ဆီသုို့။
မကြာမီကပဲ ကားမောင်းနေစဉ် ရေဒီယုိုကနေ Heads Carolina, Tails California ဆုိုတဲ့ သီချင်းသံကုို ကြားမိလုိုက်လုို့ ဂရုပြုနားထောင်မိတော့ သီချင်းစာသားက ကုိုယ်ရည်ရွယ်ထားတဲ့ခရီးစဉ်နဲ့ တုိုက်တုိုက် ဆုိုင်ဆုိုင်လာဖြစ်နေတယ်။

တစ်နေရာမှာ စိမ်းလန်းစုိုပြေ
တစ်နေရာမှာ နွေးလုို့ပူနေ
တောင်ပြာတန်းရဲ့ ထိပ်ကုိုလား
သမုဒ္ဒရာရေလွှာ အောက်ဆီလား
ဘယ် သွားကြမလဲ

နေရာဆုိုတာ အဓိကမကျပေ
တစ်နေရာရာကုို အတူသွားကြမယ်လေ။

ဒီမှာ မတ်စေ့ရှိတယ်
ခေါင်းပန်လှန်ကြမယ်
ခေါင်းဆုို ကာရုိုလုိုင်းနား
ပန်းကျလျင် ကာလီဖုိုးနီးယား…..
သွားကြမယ်လေ။

တစ်နာရီကျော်ကျော် ကားမောင်းရတဲ့ခရီးအတွင်း ရှုခင်းများက စိမ်းစိမ်းစုိုစုို။ ညို့မှိုင်းနေတဲ့ သစ်ပင် အုပ်အုပ်ကြားမှာ ဟုိုတစ်ကွက် ဒီတစ မြင်ရတဲ့ မြို့ပြအကွက်အကွင်းများက မြင်နေကျမြင်ကွင်းများနဲ့ ခြားနားစွာ။ Heads Carolina, Tails California ဆုိုတဲ့ သီချင်းလေးထဲကအတုိုင်း တကယ့်ကိုပဲ ပြောရလောက်အောင် စိမ်းလန်းစုိုပြေလန်းဆန်းလုို့နေတယ်။ စုိုပြေစိမ်းလန်းလွန်းတဲ့ ကာရုိုလုိုင်း နားမြေကုို လည်ပတ်ခွင့်ရမှာကုို တွေးပြီး ကြည်နူးကြေနပ် ဘဝင်လေသလပ်လုို့လည်း နေမိပါတယ်။ ။




အရှင်ဥာဏိကာဘိဝံသ



1 comment: